Qazaqstan Respýblıkasy Qarjy mınıstrliginiń buıryǵy  №46

  2016 jylǵy 2 aqpan, Astana qalasy «Memlekettik satyp alý salasynda tizilimderdi qalyptastyrýdyń jáne júrgizýdiń qaǵıdalaryn bekitý týraly» Qazaqstan Respýblıkasy Qarjy mınıstriniń 2015 jylǵy 28 jeltoqsandaǵy № 694 buıryǵyna ózgeris engizý týraly Buıyramyn: 1. «Memlekettik satyp alý salasynda tizilimderdi qalyptastyrýdyń jáne júrgizýdiń qaǵıdalaryn bekitý týraly» Qazaqstan Respýblıkasy Qarjy mınıstriniń 2015 jylǵy 28 jeltoqsandaǵy № 694 buıryǵyna (Normatıvtik quqyqtyq aktilerdi memlekettik tirkeý tiziliminde № 12618 bolyp tirkelgen, 2016 jylǵy 6 qańtarda «Ádilet» aqparattyq-quqyqtyq júıesinde jarııalanǵan) mynadaı ózgeris engizilsin: Kórsetilgen buıryqpen bekitilgen Memlekettik satyp alý salasynda tizilimderdi qalyptastyrýdyń jáne júrgizýdiń qaǵıdalarynda: 17-tarmaq mynadaı redaksııada jazylsyn: 17-tarmaq. Osy Qaǵıdanyń 15-tarmaǵynyń 2) tarmaqshasynda kózdelgen memlekettik satyp alýǵa josyqsyz qatysýshylardyń tizilimi ýákiletti organnyń áleýetti ónim berýshilerdi memlekettik satyp alýǵa josyqsyz qatysýshylar dep taný týraly sheshimi negizinde qalyptastyrylady. 2. Qazaqstan Respýblıkasy Qarjy mınıstrliginiń Memlekettik satyp alý zańnamasy departamenti (S.M. Ahmetov) zańnamada belgilengen tártippen: 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde onyń merzimdi baspa basylymdary men «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna Qazaqstan Respýblıkasynyń normatıvtik quqyqtyq aktileriniń etalondyq baqylaý bankinde ornalastyrý úshin jiberilýin; 3) osy buıryqtyń Qazaqstan Respýblıkasy Qarjy mınıstrliginiń resmı ınternet-resýrsynda ornalastyrylýyn qamtamasyz etsin. 3. Osy buıryq alǵashqy resmı jarııalanǵan kúninen keıin qoldanysqa engiziledi. Qazaqstan Respýblıkasynyń Qarjy mınıstri B. SULTANOV Buıryq Qazaqstan Respýblıkasynyń Ádilet mınıstrliginde 2016 jylǵy 4 naýryzda Normatıvtik quqyqtyq kesimderdi memlekettik tirkeýdiń tizilimine №13393 bolyp engizildi.